ཁྲི་སྲོང་ལྡེའུ་བཙན།
༨༠༽ དེར་བཙན་པོ་ཐུགས་ལྷག་པར་སྐྱོ་ནས་ཕོ་ཡོང་བཟའ་ལ། མོ་རང་ཡུམ་གྱི་རྣམ་ཤེས་ཡིན་པས་དྲིན་གཟོ་ཕྱིར་བླངས་ཚུལ་དང༌། རྒྱལ་སྲིད་དང་མོ་རང་བཅས་པ་སྲས་ལ་གནང་རྒྱུ་ཡིན་ཚུལ་གསུངས་པས། གཉིས་ཀ་འཐམས་ཏེ་བཤུམ།
༨༡༽ དེ་ནས་རེ་ཞིག་ཆབ་སྲིད་སྲས་མུ་ནེ་བཙན་པོར་གནང་ཞིང༌། སྲས་ཆུང་བ་དགུང་ན་ཕྲ་བ་དེའང་དགེ་སློང་མྱང་ཏིང་འཛིན་ལ་གཏད་དེ་ཕ་ཤུལ་བུས་ཟིན་པ་ཞིག་གནང་དགོས་ཚུལ་གདམས་ཏེ་སྒོམ་དུ་ཕེབས།
༨༢༽ མེ་གླང་(ཕྱི་ལོ་༧༨༧)ལོ་གསར་ལ་རྒྱལ་བུ་དང་བློན་པོ་ཚོས་བཙན་པོ་ཕོ་བྲང་དུ་བསུས་ཏེ་མཚན་མོར་མི་མང་གིས་ལག་ལ་སྒྲོན་མེ་བཏེགས་ནས། རྟ་རྒྱུག་གནང་དུས་སུ་ཞིག་གིས་ལྐོག་མདའ་འཕངས་ཏེ་བཙན་པོ་བཀྲོངས།
༨༣༽ དེ་ནས་བཟུང་མྱང་ཏིང་ངེ་འཛིན་ནི་རྒྱལ་སྲས་མུ་ཏིག་བཙན་པོའི་ཕ་ཚབ་ལྟ་བུར་གྱུར་ཅིང༌། ཆོས་དང་ལུགས་ཀྱི་བསླབ་བྱ་དུ་མས་ལེགས་པར་བསྐྱངས་ཏེ་ཡབ་བཙན་པོ་ལྟ་བུ་ཞིག་འོང་རེ་གནང་ངོ༌། །
For the audio files